Ключавой тэмай тэхнічнага тура стала эфектыўнае ўзаемадзеянне Дзяржатамнагляду і Беларускай АЭС на ўсіх этапах жыццёвага цыкла станцыі.
У рамках візіту спецыялісты Дзяржатамнагляду наведалі інфармацыйны і вучэбна-трэніровачны цэнтры, дзе даведаліся пра асаблівасці, тэхнічныя і эканамічныя паказчыкі праекта "АЭС 2006" пакалення 3+.
Дасведчаныя псіхолагі АЭС распавялі аб рабоце лабараторыі псіхафізілагічнага забеспячэння і правялі трэнінгі для спецыялістаў ДАН.
На поўнамаштабным трэнажоры блокавага пульта кіравання пад кіраўніцтвам начальніка аддзела падрыхтоўкі аператыўнага персаналу Сяргея Горына маладыя спецыялісты змаглі ацаніць адпрацоўку сістэм бяспекі.
На прамысловай пляцоўцы работнікі Дзяржатамнагляду азнаёміліся з работай асноўных станцыйных аб'ектаў зоны свабоднага доступу: турбінай, КРУЭ, вежавымі выпарнымі градзірнямі, пырскавымі басейнамі.
Спецыялісты Дзяржатамнагляду высока ацанілі прафесіяналізм супрацоўнікаў Беларускай АЭС у забеспячэнні бяспечнай і надзейнай работы станцыі.
