Удзельнікі мітынгу ўбачылі тэатралізаванае прадстаўленне ў выкананні работнікаў культуры Астравеччыны.
Пасля хвіліны маўчання, прадстаўнікі працоўных калектываў і грамадскіх аб'яднанняў усклалі кветкі да помніка.
Ад імя калектыву Беларускай АЭС кошык кветак усклалі першы кіраўнік прадпрыемства, старшыня савета ветэранаў БелАЭС Міхаіл Філімонаў і генеральны дырэктар дзяржаўнага прадпрыемства "Беларуская атамная электрастанцыя" Сяргей Бабовіч.
Урачыстасці працягнуліся святочным шэсцем воінскіх фарміраванняў, размешчаных у Астравецкім раёне, грамадскіх арганізацый і працоўных калектываў. Самай шматлікай была калона Беларускай АЭС.
Вызначыліся атамшчыкі і творчай рэалізацыяй тэатралізаванага прадстаўлення "Мы з Берліна!". Яркі і запамінальны нумар у выкананні работнікаў БелАЭС атрымаў высокую ацэнку ўдзельнікаў свята.
