Для абмену вопытам на БелАЭС сабраліся маладзёжныя лідэры буйных прадпрыемстваў Беларусі: ААТ "Інтэграл", ААТ "Мінскі трактарны завод", ААТ "Мазырскі нафтаперапрацоўчы завод", ААТ "Магілёўскі металургічны завод", ААТ "МАЗ" - кіруючая кампанія холдынгу "БЕЛАЎТАМАЗ", ААТ "БМЗ - кіруючая кампанія холдынгу "БМК", РУП "Віцебскэнерга".
Старт семінару дала дыялогавая пляцоўка, дзе ўдзельнікі пагутарылі з намеснікам генеральнага дырэктара па эканоміцы Аляксеем Рысам, начальнікам упраўлення вытворча-тэхнічнай камплектацыі Георгіем Клімовічам, а таксама ацанілі першы асобнік фотаальбома "Беларуская АЭС. Як гэта было", старонкі якога адлюстроўваюць будаўніцтва першай атамнай электрастанцыі ў Рэспубліцы Беларусь. Намеснік старшыні прафсаюзнай арганізацыі Марына Пылінская распавяла аб дзейнасці першаснай прафсаюзнай арганізацыі прадпрыемства, спецыяліст аддзела кадраў Вольга Куц пазнаёміла гасцей з работай групы па кіраванні персаналам. Зносіны атрымалiся нефармальнымi, насычанымi і цікавымi. Моладзь абмянялася вопытам і новымі ідэямі.
У завяршэнні дыялогу ўдзельнікі далі старт маладзёжнай ініцыятыве "Усе дарогі вядуць на БелАЭС", дзе кожны змог адзначыць свой шлях ад "дома" да атамнай станцыі.
Далей гасцей чакала экскурсія па інфармацыйным і вучэбна-трэніровачным цэнтрам АЭС, наведванне лабараторыі псіхафізілагічнага забеспячэння і аб'езд вытворчай пляцоўкі атамнай электрастанцыі.
Маладзёжныя лідары беларускіх прадпрыемстваў згулялі з маладымі і актыўнымі прадстаўнікамі БРСМ станцыі ў інтэлектуальна-забаўляльны "Маладзёжны Quiz".
У год 80-годдзя Вялікай Перамогі ўдзельнікі семінара не засталіся ў баку ад чэленджа БелАЭС "Паклонімся кожнаму" і ўсклалі кветкі да помніка савецкім воінам і партызанам у г. Астравец.
У другі дзень семінара маладзёжныя лідары прынялі ўдзел у камандаўтваральным трэнінгу, а таксама пазнаёміліся са славутасцямі Астраўца і Астравецкага раёна.
Карыснае, з пункту гледжання абмену досведам і ідэямі, мерапрыемства прайшло з ініцыятывы моладзі БелАЭС, але, як пагадзіліся яго ўдзельнікі, абавязкова павінна паўтарыцца на базе іншых прамысловых "гігантаў".
