Рэспубліканскае унітарнае прадпрыемства

Беларуская атамная
электрастанцыя

«Прамая тэлефонная лінія» ДП «Беларуская АЭС»

+375 (1591) 4-53-59

20.06.2022

Каманда Беларускай АЭС стала прызёрам абласных спаборніцтваў

Крыніца: Аддзел інфармацыі і грамадскіх сувязяў

Пасля пераканаўчай перамогі на раённых спаборніцтвах, санітарная дружына Беларускай АЭС стала сярэбраным прызёрам абласных спаборніцтваў у Гродне.

Спаборніцтвы санітарных дружын прайшлі 17 чэрвеня 2022 года на базе вучэбна-тактычнага палігона пажарнага аварыйна-выратавальнага атрада Гродзенскага абласнога ўпраўлення МНС. У першынстве прынялі ўдзел пераможцы раённых этапаў з розных прадпрыемстваў і арганізацый Гродзенскай вобласці.

Арганізатарамі спаборніцтваў выступілі абласное ўпраўленне МНС, Галоўнае ўпраўленне аховы здароўя аблвыканкама і Гродзенскае абласное добраахвотнае пажарнае таварыства.

У спаборніцтвах сярод санітарных дружын прынялі ўдзел 17 каманд.

Удзельнікі павінны былі пераадолець 5 этапаў, падчас якіх трэба было прадэманстраваць уменне аказваць пацярпелым розныя віды першай даўрачэбнай дапамогі.

Суддзі правяралі табельнае абсталяванне санітарнай дружыны, уменне хутка апранаць супрацьгаз на сябе і пацярпелага, працу дружыны ў ачагу камбінаванага паражэння, хімічнага паражэння і ў ачагу інфекцыйнага захворвання. Камандзіры праходзілі тэсціраванне.

У гэтым годзе задача ўскладнілася яшчэ і тым, што паказаць усе свае навыкі неабходна было як мага хутчэй, пры гэтым, не дапусціўшы памылак у паслядоўнасці аказання дапамогі.

Вынік спаборніцтваў складаўся з сумы месцаў, занятых на ўсіх этапах спаборніцтва. Каманда Беларускай АЭС заняла 3 прызавыя месцы з 6 магчымых:

1 месца - у працы дружыны ў ачагу інфекцыйнага захворвання.

3 месца - у паказе табельнага абсталявання і надзяванні супрацьгазаў.

3 месца – за працу дружыны ў ачагу камбінаванага паражэння.

Па суме занятых месцаў санітарная дружына Беларускай атамнай электрастанцыі паказала высокі вынік, заняўшы другое агульнакаманднае месца!

Чытаць 70 разоў Апошняя змена 20.06.2022
Ацэніце гэты матэрыял
(0 галасоў)
© 2010-2020 Дзяржаўнае прадпрыемства «Беларуская АЭС». Ўсе правы абаронены. Пры любым выкарыстанні матэрыялаў сайта, актыўная спасылка на www.belaes.by абавязковая.
На сайце працуе сістэма праверкі памылак. Выявіўшы недакладнасць у тэксце, вылучыце яе і націсніце Ctrl + Enter.
Яндекс.Метрика
Распрацоўка РВПЦ «Кастрычніцкі»
Даслаць паведамленне аб памылцы