"Беларусь падтрымлівае шматпланавую дзейнасць агенцтва ў галіне тэхнічнай дапамогі. Праграма тэхнічнага супрацоўніцтва МАГАТЭ з'яўляецца дзейсным механізмам для рэалізацыі агенцтвам сваіх статутных задач, звязаных з засваеннем мірнага атама, забеспячэннем доступу зацікаўленых краін да яго выгод і ўмацаваннем міжнароднага супрацоўніцтва", - адзначыў Міхаіл Міхадзюк.
Беларусь падзяляе меркаванне пра тое, што ў агляднай перспектыве ядзерная энергетыка будзе захоўваць свае пазіцыі і патэнцыял для развіцця. Беларускі бок вітае прымаемыя МАГАТЭ крокі, накіраваныя на садзейнічанне дзяржавам-членам у стварэнні і развіцці ядзернай энергетычнай інфраструктуры.
"Узаемадзеянне Беларусі і МАГАТЭ па гэтым пытанні разгарнулася з першых дзён рэалізацыі нашай нацыянальнай ядзернай энергетычнай праграмы. Наша краіна актыўна выкарыстоўвае ўвесь спектр інструментаў агенцтва - ад праектаў тэхнічнага супрацоўніцтва да экспертных місій і партнёрскіх разглядаў", - падкрэсліў Міхаіл Міхадзюк.
Для краін-пачаткоўцаў ў МАГАТЭ распрацаваны падыход "Вехі", якому ў гэтым годзе спаўняецца дзесяць гадоў і які ўяўляе сабой інтэграванае кіраўніцтва па ўсіх стадыях развіцця новых ядзерных энергетычных праграм. Беларусь карыстаецца гэтым падыходам. "Перакананыя ў яго высокай практычнай карыснасці. Чакаем, што ў перспектыве ў рамках гэтага падыходу з'явіцца і дарожная карта выкарыстання інструментаў МАГАТЭ, рэлевантныя для краін-пачаткоўцаў", - сказаў намеснік міністра.
Паводле яго слоў, будаўніцтва першай беларускай атамнай электрастанцыі паспяхова прасоўваецца. Завяршаецца этап будаўнічых работ на першым энергаблоку. Намеснік міністра таксама адзначыў ўсебаковае канструктыўнае ўзаемадзеянне з краінай-пастаўшчыком - Расіяй. Беларускі вопыт такога ўзаемадзеяння для паспяховай рэалізацыі ядзернай энергетычнай праграмы будзе прадстаўлены на асобным мерапрыемстве на палях сесіі Генеральнай канферэнцыі МАГАТЭ.
Беларусь вітае ўсё больш важкі ўклад МАГАТЭ ў стварэнне надзейнай інфраструктуры ядзернай бяспекі па ўсім свеце. "Глабальны попыт на паслугі МАГАТЭ няўхільна расце. Ядзерная бяспека працягне заставацца ў фокусе павышанай увагі, і ў тым ліку ад якасці працы агенцтва будзе залежаць давер міжнароднай супольнасці да мірнага атаму", - рэзюмаваў намеснік міністра.
Беларуская АЭС будуецца па тыпавому расійскім праекце ВВЭР-1200 пакалення "3+" блізу Астраўца (Гродзенская вобласць). Першы энергаблок плануецца ўвесці ў эксплуатацыю у 2019 годзе, другі - у 2020 годзе. Першая пастаўка ядзернага паліва на станцыю запланавана да канца 2018 года.
