Дэлегацыя з Казахстана атрымала ўнікальную магчымасць дэталёва азнаёміцца з работай вучэбна-трэніровачнага цэнтра станцыі. Госці вывучылі сістэму падрыхтоўкі аператыўнага персаналу на трэнажорах цэнтральнага і блокавага пунктаў кіравання, якія забяспечваюць якаснае выкананне працэсаў падрыхтоўкі і падтрымання кваліфікацыі персаналу АЭС, пазнаёміліся з экспазіцыяй інфармацыйнага цэнтра, які як крыніца інфармацыі для шырокай аўдыторыі мае найважнейшае значэнне для фарміравання аб'ектыўнага меркавання аб ядзернай энергетыцы.
Ключавой часткай праграмы стала абмеркаванне шырокага кола пытанняў, якія ўяўляюць узаемную цікавасць. Асаблівая ўвага была ўдзелена вопыту эксплуатацыі БелАЭС у адпаведнасці з міжнародным стандартамі бяспекі МАГАТЭ, сучасным тэхналогіям захоўвання і перапрацоўкі радыеактыўных адходаў, маніторынгу ўздзеяння на навакольнае асяроддзе ў раёне АЭС, міжнароднаму супрацоўніцтву і абмену вопытам з атамнымі станцыямі іншых краін, узаемадзеянню з дзяржкарпарацыяй "Расатам".
Удзельнікі прэс-тура таксама абмеркавалі ролю Беларускай АЭС як горадаўтваральнага аб'екта, уплыў яе будаўніцтва на эканоміку і энергетычную бяспеку рэгіёна, а таксама развіццё горада-спадарожніка Астравец.
Наведванне Беларускай АЭС прадаставіла казахстанскай дэлегацыі ўнікальную магчымасць атрымаць аб'ектыўную інфармацыю з першых рук і пераканацца ў высокім узроўні тэхналагічнай аснашчанасці, кампетэнтнасці персаналу і прыхільнасці прынцыпам бяспекі. Убачанае дапаможа данесці да жыхароў Казахстана перавагі атамных тэхналогій, магчымасці забеспячэння тэхналагічнага суверэнітэту краіны а таксама праілюстраваць станоўчы ўплыў АЭС на дабрабыт мясцовых супольнасцяў і рэгіёну ў цэлым.
