На заклік моладзі БелАЭС адгукнулася 52 удзельнікі з усёй Беларусі. З 13 лютага, дня пачатку акцыі, да 9 мая ўдзельнікі чэленджа наведалі больш за 150 памятных месцаў ва ўсіх рэгіёнах краіны, усклалі кветкі, ушанавалі памяць загінуўшых хвілінай маўчання, зрабілі фота і размясцілі іх у сацыяльных сетках з хэштэгам #поклонимсякаждому, каб сказаць: "Ніхто не забыты, нішто не забыта".
1 ліпеня 2025 года, напярэдадні Дня Незалежнасці Рэспублікі Беларусь, самых актыўных удзельнікаў чэленджа сустракалі на Беларускай АЭС. Для гасцей правялі экскурсію па інфармацыйным і вучэбна-трэніровачным цэнтрам АЭС. А ў заключнай частцы мерапрыемства з удзельнікамі патрыятычнай акцыі сустрэўся генеральны дырэктар дзяржаўнага прадпрыемства "Беларуская АЭС" Сяргей Бабовіч.
Кіраўнік прадпрыемства распавёў маладым людзям аб бягучым стане на АЭС, вытворчых выніках і бліжэйшых планах прадпрыемства, ролі БелАЭС у энергетыцы краіны.
Удзельнікі мерапрыемства даведаліся аб маючай адбыцца маштабнай рэканструкцыі інфармацыйнага цэнтра АЭС у горадзе Астраўцы, умовах працы на прадпрыемстве і сацыяльных гарантыях работнікаў і многім іншым.
Аднак, асноўная частка зносін генеральнага дырэктара з удзельнікамі патрыятычнага чэленджа, зразумела, была прысвечана Вялікай Перамозе, неабходнасці захавання гістарычнай памяці ў святле яе сучаснага адвольнага тлумачэння ў некаторых дзяржавах, якія скажаюць значэнне і ролю пераможцаў у Другой сусветнай вайне.
"Нам ёсць чым ганарыцца, ёсць што паказаць. Мы моцны народ і ніколі не здадзімся!" - адзначыў Сяргей Алегавіч.
Затым генеральны дырэктар уручыў памятныя прызы і сувеніры самым актыўным удзельнікам акцыі. Імі сталі: Вікторыя Ганчаронак (РУП "Магілёўаблгаз"); Надзея Ненартовіч (Прадпрыемства меліярацыйных сістэм. Астравец); Дзяніс Давідовіч і Кірыл Панамароў ("Завод энергадэталь" ААТ "Белсельэлектрасеткабуд"). А таксама работнікі Беларускай АЭС: Святлана Шушкевіч, Вольга Куц, Віялета Аляксеявец, Таццяна Сакевіч, Яўген Смалякоў, Уладзіслаў Купрэвіч, Алег Прэцкайла.
Кіраўнік Беларускай АЭС заўважыў, што гістарычных памятных месцаў значна больш, чым удалося наведаць патрыятычным актывістам. Таму, чэлендж можа і павінен быць працягнуты.
