Выкананы рамонт аднаго са спальных карпусоў дзіцячага аздараўленчага лагера "Ластаўка".
Частка работнікаў БелАЭС правяла сённяшні дзень на сваіх працоўных месцах, забяспечваючы выпрацоўку электраэнергіі для нашай краіны.
Супрацоўнікі прадпрыемства, свабодныя ад выканання сваіх службовых абавязкаў, 12 красавіка працавалі на аб'ектах, размешчаных у горадзе энергетыкаў Астраўцы.
Генеральны дырэктар Беларускай АЭС С.А. Бабовіч, разам са сваімі намеснікамі і намеснікамі галоўнага інжынера атамнай электрастанцыі прыняў удзел у закладцы сквера, размешчанага ў другім мікрараёне горада. Усяго было высаджана больш за 200 саджанцаў ліпы, клёнаў і каштанаў.
Вялікая група прадстаўнікоў цэхаў і аддзелаў прадпрыемства ачысціла ад смецця пойму рэк Малька і Кавалёўка, якія праходзяць праз Астравец.
Займаліся работнікі БелАЭС і рамонтам мэблі, а таксама ўборкай прыдамавых тэрыторый шматкватэрных дамоў і іншых аб'ектаў.
