У верасні 2024 года Беларуская АЭС кінула выклік па здачы нарматываў ГПА (гатовы да працы і абароны) прадпрыемствам, якія ўваходзяць у склад ДВА "Белэнерга". Выклік прынялі 182 работнікі з 12 прадпрыемстваў беларускай энергасістэмы.
У перыяд з 1 верасня па 29 лістапада ўдзельнікі чэленджа, разам са сваімі сем'ямі, выконвалі зададзены набор патрабаванняў: забег на 100 метраў, адцісканні, падцягванні, скачок у даўжыню з месца, нахіл наперад са становішча седзячы, падыманне тулава і г.д. Па ўмовах спаборніцтваў пераможца вызначаўся па найбольшай колькасці ўдзельнікаў арганізацыі, якія здалі нарматывы.
20 лютага 2025 года прадстаўнікі каманд-удзельніц былі запрошаны на Беларускую АЭС. Удзельнікі "Фізкультурніка Беларусі" наведалі лабараторыю псіхафізілагічнага забеспячэння, інфармацыйны цэнтр АЭС і поўнамаштабны трэнажор блокавага пульта кіравання ў вучэбна-трэніровачным цэнтры АЭС.
Пасля ўручэння заслужаных узнагарод, удзельнікі пакідалі Беларускую АЭС з цвёрдым намерам сустрэцца зноў, але з яшчэ большай колькасцю ўдзельнікаў.
Далучыцца да чэленджу ніколі не позна. Сачыце за навінамі ў тэлеграм-канале "Беларуская АЭС" https://t.me/belaes_official і ўдзельнічайце ў спаборніцтвах "Фізкультурнік – 2025" на атрыманне значка "Гатовы да працы і абароны" (ГПА).
