На вытворчай пляцоўцы атамнай электрастанцыі губернатара Сахаліна сустракалі губернатар Гродзенскай вобласці Уладзімір Каранік, Міністр энергетыкі Рэспублікі Беларусь Аляксей Кушнарэнка, старшыня Астравецкага райвыканкама Сяргей Медзвецкас, генеральны дырэктар Беларускай АЭС Сяргей Бабовіч, першы кіраўнік БелАЭС Міхаіл Філімонаў, першы намеснік генеральнага дырэктара - галоўны інжынер АЭС Анатоль Бондар.
Валерый Лімарэнка стаяў ля вытокаў рэалізацыі праекта Беларускай АЭС. Менавіта яго подпіс стаіць у Генеральным кантракце на будаўніцтва Беларускай АЭС з боку генеральнага падрадчыка.
Асноўная частка работ па ўзвядзенню атамнай электрастанцыі была выканана ў перыяд работы Лімарэнка на пасадзе прэзідэнта "АСЭ".
У знак прызнання заслуг у справе ўзвядзення Беларускай АЭС, сёння Прэзідэнт Рэспублікі Беларусь Аляксандр Рыгоравіч Лукашэнка ўручыў губернатару Сахаліна Падзяку.
Валерый Лімарэнка, у суправаджэнні кіраўнікоў Мінэнерга, Гродзенскай вобласці, Астравецкага раёна здзейсніў аб'езд вытворчай пляцоўкі, пабываў на пульце кіравання энергаблокам №1, пагутарыў з аператыўным персаналам станцыі і кіраўніцтвам прадпрыемства.
Па выніках візіту губернатар Сахаліна пакінуў запіс у Кнізе ганаровых гасцей прадпрыемства.
