Працягам тэмы сталі артыкулы аб дынаміцы грамадскай думкі па пытаннях развіцця атамнай энергетыкі, лідэрстве ў галіне («Ядзерная энергетыка») і забеспячэнні вадароднай выбухаабароны на БелАЭС («Навука – энергетыцы»).
У ліку іншых акцэнтаў нумара інтэрв'ю першага намесніка генеральнага дырэктара - галоўнага інжынера ДВА «Белэнерга» Ю.А. Шмакава («Электраэнергетыка») і матэрыял, прысвечаны 65-годдзю газавай галіны («Газазабеспячэнне»). Па-ранейшаму ў цэнтры ўвагі выдання інтэграцыйныя працэсы ў энергетычнай сферы Саюзнай дзяржавы і СНД, сучасныя тэндэнцыі і інавацыі ў сусветнай энергетыцы (Навіны).
Спецыялістаў зацікавяць магчымасці прэдыктыўнай дыягностыкі абсталявання з дапамогай машыннага навучання і нейрасетак («Інфармацыйныя тэхналогіі»), а таксама вопыт лакалізацыі айчынных ІТ-распрацовак на прыкладзе падстанцыі 110 кв «Аульс». Шырокаму колу чытачоў адрасаваны матэрыял аб тым, як у розных краінах маюць намер развіваць вадародную энергетыку («Сусветны досвед»).
Кіраўнікам сярэдняга звяна будуць карысныя артыкулы аб фармаванні культуры бяспекі ў арганізацыі («Бяспека і ахова працы») і асноўных функцыях эфектыўнага кіраўнiка («Падрыхтоўка кадраў»).
У часопісе таксама прадстаўлены каментары да новых галіновых стандартаў і іншых ТНПА, агляды заканадаўчых актаў за лістапад–снежань («Стандартызацыя і права»). Завяршае нумар пералік артыкулаў, апублікаваных у 2023 годзе.
Больш падрабязна са зместам часопіса можна азнаёміцца тут
