Актуальная тэма нумара - ядзерная і радыяцыйная бяспека. Чытачы азнаёмяцца з дзеяннямі, прынятымі ў Беларусі для паспяховай работы па выкананні абавязацельстваў у рамках Канвенцыі аб ядзернай бяспецы («Прыярытэты»), а таксама з асноўнымі падыходамі да рэалізацыі стратэгіі абыходжання з адпрацаваным ядзерным палівам і радыеактыўнымі адходамі («Навіны», «Навука - энергетыцы»).
Шэраг артыкулаў прысвечаны пытанням прымянення лічбавых тэхналогій - укараненню інтэлектуальнай сістэмы кіравання газазабеспячэннем і тэхналогіі «Лічбавая падстанцыя» ў Беларускай энергасістэме, аўтаматызацыі тэхналагічных працэсаў цеплавых сетак («Газазабеспячэнне», «Электраэнергетыка»), трансфармацыі IT-ландшафту прадпрыемстваў энергетычнага комплексу («Інфармацыйныя тэхналогіі»).
Спецыялістам галіны будзе цікава даведацца пра новыя метады дыягностыкі тэхнічнага стану трансфарматараў і вынікі даследавання пераходнага супраціву ізаляцыйных пакрыццяў падземных газаправодаў метадам катоднай палярызацыі («Навука – энергетыцы»), а таксама аб прынцыпах выканання аператыўных пераключэнняў на тэхналагічным абсталяванні Беларускай АЭС («Ядзерная энергетыка»).
Шырокаму колу чытачоў адрасуецца матэрыял аб тэндэнцыях развіцця гідраэнергетыкі Таджыкістана, тарфяной прамысловасці ЗША і Канады («Сусветны досвед»). Асаблівую ўвагу прыцягне артыкул аб уплыве інфармацыі на чалавека ў эпоху навукова-тэхнічнага прагрэсу («Падрыхтоўка кадраў»).
У нумары таксама публікуюцца каментары да новых галіновых стандартаў і агляд НПА, якія ўступілі ў дзеянне ў ліпені - жніўні 2023 года («Стандартызацыя і права»).
Больш падрабязна са зместам часопіса можна азнаёміцца тут
