Рэспубліканскае унітарнае прадпрыемства

Беларуская атамная
электрастанцыя

Адрас:

Пляцоўка будаўніцтва атамнай электрастанцыі,

231201, г. Астравец, Гродзенская вобласць

Е-mail: belaes@belaes.by

Тэлефоны:

Прыёмная: +375 (1591) 4-53-59, fax: +375 (1591) 4-54-00

Аддзел кадраў: +375 (1591) 45-357; +375 (1591) 46-696

Бухгалтэрыя: +375 (1591) 46-358

02.03.2023

Чытайце ў свежым нумары часопіса «Энергетычная стратэгія»

Крыніца: Аддзел інфармацыі і грамадскіх сувязяў

2023 год - юбілейны для выдання. У сувязі са знакавай датай першы нумар сёлета адкрывае віншаванне Міністра энергетыкі У.М. Каранкевіча з 15-годдзем з дня заснавання навукова-практычнага часопіса «Энергетычная стратэгія».

У блоку навін прадстаўлена інфармацыя аб ключавых падзеях у энергетыцы Беларусі і свету, выніках працы галіны ў 2022 годзе, ходзе рэалізацыі нацыянальнай ядзерна-энергетычнай праграмы па выніках прэс-тура на Беларускую АЭС («Навіны»).

Спецыялістам энергетычнай галіны будзе цікавы вопыт прымянення высокатэхналагічных айчынных распрацовак – праграмнага забеспячэння для аўтаматызаванага разліку і прагназавання тэхніка-эканамічных паказчыкаў работы ТЭС і кацельняў, а таксама мікрапрацэсарнай сістэмы вызначэння і лакалізацыі месца пашкоджання ізаляцыі ВЛ 6—10 кВ адносна зямлі («Электраэнергетыка»). У рубрыцы таксама прадстаўлены матэрыял аб асноўных неадпаведнасцях у рабоце выпрабавальных лабараторый, якія выяўляюцца пры ацэнцы іх кампетэнтнасці, прапанаваны метады ўскоснага кіравання электрычнымі нагрузкамі ў АПК.

У нумары можна азнаёміцца з вынікамі маніторынгу ўтрымання радону-222 у вадзе і паветры ў зоне ўплыву БелАЭС («Ядзерная энергетыка»), падыходамі да вызначэння аптымальнага складу цвёрдага паліва на аснове адходаў біямасы і нафтазмяшчальных кампанентаў. («Навука - энергетыцы»). Шырокаму колу чытачоў адрасаваны матэрыялы аб патэнцыяле сусветнай атамнай энергетыкі і перспектывах развіцця гэтай галіны ў Расіі, а таксама аб сучасным стане тарфяной прамысловасці ў краінах Балтыйскага рэгіёна («Міжнароднае супрацоўніцтва і досвед»).

У часопісе апублікаваны каментары да змен у заканадаўстве аб зваротах грамадзян і юрыдычных асоб, аб парадку ўстанаўлення ахоўных зон электрасетак, а таксама да новых галіновых стандартаў. Завяршае нумар агляд нарматыўных дакументаў у сферы энергетыкі за студзень - люты 2023 года («Стандартызацыя і права»).

Больш падрабязна са зместам часопіса можна азнаёміцца тут

Апошняя змена 02.03.2023
© 2010- Дзяржаўнае прадпрыемства «Беларуская АЭС». Ўсе правы абаронены. Пры любым выкарыстанні матэрыялаў сайта, актыўная спасылка на www.belaes.by абавязковая.
На сайце працуе сістэма праверкі памылак. Выявіўшы недакладнасць у тэксце, вылучыце яе і націсніце Ctrl + Enter.
Яндекс.Метрика
Распрацоўка: ЦВР-Кастрычніцкі
Даслаць паведамленне аб памылцы