Дзевяць работнікаў Беларускай атамнай электрастанцыі прайшлі дарогамі Афганістана. Штогод, напярэдадні памятнай даты, на прадпрыемстве ўшаноўваюць тых, хто здзяйсняў сапраўдны подзвіг, выконваючы свой абавязак удалечыні ад родных мясцін.
14 лютага, у цёплай абстаноўцы, у адрас воінаў-інтэрнацыяналістаў гучалі словы ўдзячнасці і падзякі ад калег і ўручаліся падарункі ад прафсаюзнай арганізацыі.
15 лютага воіны-інтэрнацыяналісты - прадстаўнікі БелАЭС - прынялі ўдзел у мітынгу, прысвечаным Дню памяці воінаў-інтэрнацыяналістаў і 34-й гадавіне вываду савецкіх войскаў з Рэспублікі Афганістан, а таксама ў цырымоніі ўскладання вянкоў і кветак да памятнага знака воінам-інтэрнацый у горадзе Астраўцы.
Калектыў дзяржаўнага прадпрыемства «Беларуская АЭС» выказвае глыбокую ўдзячнасць усім воінам-інтэрнацыяналістам, якія доблесна выканалі свой воінскі абавязак! Вы з'яўляецеся ўвасабленнем мужнасці, вернасці грамадзянскаму абавязку і патрыятызму!
Жадаем вам моцнага здароўя, доўгіх гадоў жыцця, бадзёрасці духу, міру і дабра!
