Форум збярэ студэнтаў вядучых ВНУ, навучэнцаў сталічных школ і Мінскага дзяржаўнага энергетычнага каледжа. На пленарным пасяджэнні будуць разгледжаны ўмовы і парадак адбору і падрыхтоўкі кадраў для атамнай энергетыкі, падыходы ў сферы павышэння кваліфікацыі маладых спецыялістаў. Размова таксама пойдзе аб узаемадзеянні ВНУ з беларускай АЭС па пытаннях працаўладкавання выпускнікоў. Асаблівую ўвагу нададуць падтрымцы адоранай моладзі, якая навучаецца па профільных спецыяльнасцях. Вядучыя эксперты ў сферы атамнай энергетыкі раскажуць аб ходзе рэалізацыі праекта па ўзвядзенню БелАЭС, перспектывах развіцця сумежных з галіной кірункаў.
У дзень форуму будзе працаваць выстава, на якой экспазіцыі прадставяць ДВА «Белэнерга», дзяржкарпарацыя «Расатам», РУП «Беларуская атамная электрастанцыя», Інфармацыйны цэнтр па атамнай энергіі, ПА «Беларуснафта», Нацыянальная акадэмія навук Беларусі, Дзяржатамнагляд, кампаніі «Атамтэх» і Adani.
Арганізатарамі форуму выступаюць Міністэрства энергетыкі сумесна з ДВА «Белэнерга», дзяржкарпарацыяй «Расатам» і РУП «Беларуская атамная электрастанцыя» пры садзейнічанні Міністэрства адукацыі.
