І гэта сапраўды так. Рэдкі тыдзень праходзіць для супрацоўнікаў аддзела інфармацыі і грамадскіх сувязяў без сустрэчы замежных гасцей. Кожную групу прыводзіць сюды свая дарога. Хтосьці звязаны з Беларускай атамнай прафесійнымі інтарэсамі, часцей гэта эксперты МАГАТЭ і ВАА АЭС, а таксама прадстаўнікі краін-пачаткоўцаў у атамнай энергетыцы. Хтосьці прыехаў у Астравец для ўдзелу ў сумесных праектах гарадоў-пабрацімаў Астраўца, на мінулым тыдні - гэта шумная і цікавая група школьнікаў з расійскага Дзяснагорска. А хтосьці проста прыехаў у Астравец у госці, або з іншымі сямейным клопатамі, як сям'я Конанавых з вострава Сахалін. Больш за 10 000 кіламетраў сям'я пераадолела, каб пакланіцца брацкай магіле ў пасёлку Гудагай, дзе пад абеліскам здабыў апошні прытулак сваяк сям'і, які трапіў у далёкім 1942 годзе ў групу савецкіх салдат-ваеннапалонных. У доўгім спісе знаёмства са знакавымі месцамі Беларусі і славутасцямі Астравецкага раёна адно з першых месцаў заняў інфармацыйны цэнтр атамнай станцыі.
Супрацоўнікі беларускай АЭС праводзяць пазнавальныя паўнавартасныя экскурсіі, не азіраючыся на колькасць «турыстаў». «Некалькі дзясяткаў ці некалькі чалавек – усё роўна, галоўнае, каб наведвальнік атрымаў ўсю цікавую для яго інфармацыю» - гэта асноўны прынцып работнікаў аддзела інфармацыі і грамадскіх сувязей Беларускай АЭС.
