Сярод СМІ, якія наведалі атамную электрастанцыю, былі прадстаўнікі як цэнтральных, так і рэгіянальных сродкаў масавай інфармацыі, як дзяржаўнай, так і прыватнай формаў уласнасці.

Акрамя традыцыйных пунктаў маршруту такіх, як інфармацыйны цэнтр АЭС у горадзе Астраўцы, увазе журналістаў упершыню былі прадстаўлены станцыя водазабору на рацэ Вілія і падраздзяленне хімічнага цэха на якім праводзіцца падрыхтоўка вады для выкарыстання на аб'ектах атамнай электрастанцыі. Наведалі прадстаўнікі СМІ і цэнтральны пульт кіравання Беларускай АЭС.

Спецыялісты Беларускай АЭС распавялі журналістам пра тое, як праводзіцца забор вады для тэхнічных патрэб атамнай электрастанцыі і цi не пацерпіць ад гэтага рака Вілія. Начальнік цэха аховы навакольнага асяроддзя Ігар Кірэеў перакананы, што рацэ нішто не пагражае. Таму што спажыванне вады з Віліі для патрэб АЭС складзе не больш за 2,2 адсоткаў.

У будынку адміністрацыйнага лабараторна-бытавога комплексу журналісты ўбачылі, як працуе дзяжурная змена на цэнтральным пульце кіравання АЭС. Неабходныя тлумачэнні даў начальнік аператыўна-вытворчай службы Аляксандр Маслаў.

Аб падрыхтоўцы вады для выкарыстання на аб'ектах Беларускай АЭС, у тым ліку і ў першым контуры ядзернай энергетычнай устаноўкі, расказаў прадстаўнікам СМІ ў будынку хiмводападрыхтоўкi намеснік начальніка хімічнага цэха Яўген Леснічэнка.

Рэалізацыя праекта выдачы магутнасці Беларускай АЭС стала тэмай каментара начальніка інфармацыйна-аналітычнага аддзела ДВА «Белэнерга» Аляксандра Малькова.

А завяршыўся чарговы прэс-тур на Беларускую АЭС прэс-канферэнцыяй з удзелам намесніка міністра энергетыкі Рэспублікі Беларусь Міхаіла Міхадзюка і віцэ–прэзідэнта - дырэктара праекта па ўзвядзенню Беларускай АЭС АТ ВК «АСЭ», кіруючай арганізацыі АТ АСЭ Віталя Паляніна.