У рамках супрацоўніцтва БНТУ з Новаваронежскай АЭС будучыя беларускія атамшчыкі прыязджаюць у Новаваронеж пяты год запар. Яны знаёмяцца з асаблівасцямі эксплуатацыі энергаблокаў з рэактарамі ВВЭР, наведваюць асноўныя структурныя падраздзяленні атамнай станцыі, вывучаюць геаграфію прамысловай пляцоўкі АЭС расiйскага дызайну. Большасць са студэнтаў ужо праходзілі практыку на атамных станцыях, навучаючыся на IV курсе.
«Добразычлівасць, высокі прафесіяналізм спецыялістаў Новаваронежскай АЭС і ўменне ясна выкласці інфармацыю спрыяюць замацаванню таго тэарэтычнага матэрыялу, які мы атрымалі ў вну. Ступень карыснасці практыкі вельмі вялікая. Яна дазволіла нам пазнаёміцца не толькі з расійскімі атамнымі энергаблокамі, але і з арганізацыяй працы на абсталяванні. Атрыманыя на Новаваронежскай АЭС веды стануць для нас, студэнтаў-атамшчыкаў Беларускай Рэспублікі, першым крокам на шляху рэалізацыі прафесійных мэтаў» - падзяліўся сваімі ўражаннямі студэнт БНТУ Антон Шэшка, студэнт 5 курса энергетычнага факультэта БНТУ.
Беларуская АЭС будуецца ў Астравецкім раёне Гродзенскай вобласці. Яна будзе складацца з двух энергаблокаў сумарнай магутнасцю да 2,4 тыс. МВт. Для будаўніцтва першай АЭС у Рэспубліцы Беларусь выбраны расійскі праект з рэактарамі ВВЭР-1200 пакалення 3+.
