Разам з намеснікам старшыні Міжнароднага Саюза ветэранаў атамнай энергетыкі і прамысловасці В.Т. Лебядзенка і старшынёй Беларускага Саюза ветэранаў атамнай энергетыкі і прамысловасці Н.М. Грушай у склад дэлегацыі ўвайшлі спецыялісты з Рэспублікі Беларусь, Расійскай Федэрацыі, Казахстана, Арменіі, Балгарыі, Венгрыі, Літвы, Славакіі, Украіны, Фінляндыі, Чэхіі і іншых краін.
Удзельнікі візіту змаглі азнаёміцца з экспазіцыяй інфармацыйнага цэнтра Беларускай АЭС, пабываць на месцы будаўніцтва першай Беларускай атамнай станцыі, ацаніць дынаміку будаўніцтва горада энергетыкаў. На пытанні, якія цікавяць ветэранаў, адказаў намеснік галоўнага інжынера - начальнік вучэбна-трэніровачнага цэнтра атамнай станцыі, Горын Уладзімір Дзмітрыевіч. Скарбонку станоўчых эмоцый дапоўніў канцэрт арганнай музыкі і гатычная пышнасць касцёла Святой Тройцы ў Гервятах.
