Супрацоўніцтва ажыццяўляецца ў рамках Мемарандума аб узаемаразуменні паміж Дэпартаментам па ядзернай і радыяцыйнай бяспецы Міністэрства па надзвычайных сітуацыях Рэспублікі Беларусь і Агенцтвам па ядзерным рэгуляванні Турэцкай Рэспублікі аб супрацоўніцтве і абмене інфармацыяй у галіне ядзернай бяспекі і радыяцыйнай абароны.
Падчас візіту спецыялісты NDK азнаёміліся з бягучым статусам блокаў 1 і 2 Беларускай АЭС, працэсам ліцэнзавання АЭС рэгулятарнымі органамі, працай персаналу блокавага пульта кіравання, сістэмай падрыхтоўкі персаналу Беларускай АЭС, абсталяваннем вучэбна-матэрыяльнай базы.
Падводзячы вынікі візіту на Беларускую АЭС, віцэ-прэзідэнт NDK Огуз Кан адзначыў: «Было вельмі карысным убачыць аналаг пульта кіравання энергаблокам -- поўнамаштабны трэнажор. Такі ж мы маем у Турцыі на стадыі будаўніцтва АЭС. Таксама мы ўбачылі добра праведзеную вамі працу як на стадыі будаўніцтва, так і на этапе доследна-прамысловай эксплуатацыі.
Мы пазнаёміліся з вопытам нашых беларускіх калег і вернемся ў Турцыю з вельмі добрымі ўражаннямі аб вашай станцыі і вашай працы ў цэлым»
