Віншуем вас з 90-годдзем Беларускай энергасістэмы!
Адзначаючы гэта свята, мы азіраемся ў мінулае і звяраем свой цяперашні крок, свае вытворчыя дасягненні з поспехамі і перамогамі многіх пакаленняў беларускіх энергетыкаў! Нам ёсць чым ганарыцца!
У юбілейны, 2021 год, пачнецца прамысловая эксплуатацыя першага энергаблока першай атамнай электрастанцыі суверэннай і незалежнай Рэспублікі Беларусь! Тым самым, у энергетычную гісторыю нашай краіны будзе ўпісана новая знамянальная старонка!
Новыя магутнасці першынца беларускай ядзернай энергетыкі змогуць задаволіць бесперапынна растучы попыт на электраэнергію, павысіць энергетычную бяспеку нашай краіны і надзейнасць усёй энергасістэмы!
Увод у эксплуатацыю Беларускай АЭС - значны крок наперад!
У гэты знамянальны дзень, мы адрасуем віншаванні не толькі ўсім энергетыкам краіны, але і ветэранам энергетычнай галіны, а таксама нашым замежным партнёрам!
Дарагія сябры! Прыміце словы ўдзячнасці за вашу штодзённую працу, прафесіяналізм і самаадданасць! Міру і дабра вам і вашым сем'ям, здароўя, дабрабыту і паспяховай рэалізацыі самых амбіцыйных планаў!
Са святам!
Адміністрацыя, прафсаюзны камітэт
Дзяржаўнага прадпрыемства «Беларуская АЭС»
