Рэспубліканскае унітарнае прадпрыемства

Беларуская атамная
электрастанцыя

«Прамая тэлефонная лінія» ДП «Беларуская АЭС»

+375 (1591) 7-03-38

31.10.2019

Абгрунтаванне экалагічнай бяспекі БелАЭС адпавядае рэкамендацыям МАГАТЭ - экспертная камісія

Крыніца: БелТА

У Міністэрства энергетыкі Беларусі паступіла выніковае заключэнне экспертнай камісіі Міжнароднай грамадскай экалагічнай экспертызы матэрыялаў, якія абгрунтоўваюць экалагічную бяспеку Беларускай АЭС, паведамілі БЕЛТА ў «Расатаме».

У верасні бягучага года незалежная група міжнародных экспертаў з васьмі краін (Літва, Казахстан, Венгрыя, Аўстрыя, Італія, Беларусь, Украіна, Расія) па ініцыятыве Мінэнерга і пры падтрымцы Фонду садзейнічання развіццю муніцыпальных утварэнняў «Асацыяцыя тэрыторый размяшчэння атамных электрастанцый» правяла комплексны аналіз дакументаў, якія абгрунтоўваюць экалагічную бяспеку Беларускай АЭС.

У выніковым заключэнні экспертнай камісіі адзначана, што ў прадстаўленых дакументах даецца вычарпальны агляд планаваных мерапрыемстваў па забеспячэнні ядзернай, радыяцыйнай і экалагічнай бяспекі. Ён цалкам адпавядае нормам і правілам, устаноўленым заканадаўствам Беларусі і рэкамендацыямі МАГАТЭ. Магчымае ўздзеянне на навакольнае асяроддзе падчас эксплуатацыі АЭС знаходзіцца ў дапушчальных межах. У заключэнні падкрэслена, што вымераны да размяшчэння ядзернага паліва і пачатку эксплуатацыі БелАЭС «нулявы фон» будзе з'яўляцца рэпернай кропкай для далейшай ацэнкі радыёэкалагічнага ўздзеяння АЭС.

Эксперты таксама адзначылі добра арганізаванае ўзаемадзеянне і рэгулярнае інфармаванне насельніцтва аб ходзе рэалізацыі праекта, што спрыяе павышэнню актыўнасці зацікаўленых слаёў насельніцтва, у тым ліку грамадскіх арганізацый.

У якасці рэкамендацыі прапануецца пры эксплуатацыі атамнай электрастанцыі прыцягваць міжнародных спецыялістаў і незалежных экспертаў для маніторынгу радыёэкалагічнага становішча ў зоне назірання.

Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце паблізу Астраўца (Гродзенская вобласць). Генеральны падрадчык будаўніцтва БелАЭС - інжынірынгавы дывізіён дзяржкарпарацыі  «Расатам» (АСЭ).

Чытаць 21 разоў Апошняя змена 31.10.2019
Ацэніце гэты матэрыял
(0 галасоў)
© 2010-2019 Дзяржаўнае прадпрыемства «Беларуская АЭС». Ўсе правы абаронены. Пры любым выкарыстанні матэрыялаў сайта, актыўная спасылка на www.belaes.by абавязковая.
На сайце працуе сістэма праверкі памылак. Выявіўшы недакладнасць у тэксце, вылучыце яе і націсніце Ctrl + Enter.
Яндекс.Метрика
Распрацоўка РВПЦ «Кастрычніцкі»
Даслаць паведамленне аб памылцы