На атамнай станцыі гасцей сустракалі генеральны дырэктар дзяржаўнага прадпрыемства "Беларуская АЭС" Сяргей Бабовіч, першы кіраўнік прадпрыемства, старшыня Савета ветэранаў Міхаіл Філімонаў, настаяцель храма святых апосталаў Пятра і Паўла ў Астраўцы Георгій Савіцкі.

Візіт пачаўся з наведвання храма прападобнага Серафіма Сароўскага, размешчанага каля вучэбна-трэніровачнага цэнтра АЭС. Айцец Георгій распавёў кароткую гісторыю збудавання храма, а госці былі глыбока ўражаныя яго архітэктурай і ўнутраным убраннем.

У інфармацыйным цэнтры АЭС Сяргей Бабовіч і Міхаіл Філімонаў азнаёмілі гасцей з гісторыяй айчыннай атамнай энергетыкі і збудавання Беларускай АЭС, акцэнтаваўшы ўвагу на строгім захаванні тэхналогій і рэгламентаў бяспекі як пры будаўніцтве АЭС, так і ўвядзеннi яе эксплуатацыі.

Святары даведаліся аб атамных тэхналогіях, сістэмах бяспекі, рэалізаваных у праекце Беларускай АЭС, падрыхтоўцы персаналу і многім іншым.

"Дзякуй вялікі за сённяшні дзень! Мы ў поўным захапленні!", - падзяліўся ўражаннямі адзін з удзельнікаў візіту, ключар протаіерэй Дзмітрый Харошка.

"Словы шчырай падзякі за найвышэйшую гасціннасць падчас наведвання Беларускай АЭС!"- адзначыў па выніках візіту Уладзімір Дражын.