Маштабная падзея, якая аб'ядноўвае дэлегатаў і запрошаных агульнай колькасцю 1166 чалавек з усёй краіны, праходзіць 18 і 19 снежня ў Палацы Рэспублікі. Дэлегацыю Астравецкага раёна ўзначальвае старшыня райвыканкама Сяргей Медвецкас.

Праграма Усебеларускага народнага сходу насычана ключавымі пытаннямі для будучыні краіны. У першы дзень удзельнікі заслухаюць зварот Прэзідэнта Рэспублікі Беларусь з Пасланнем да беларускага народа і Нацыянальнага схода.

У другі дзень дэлегатам трэба будзе зацвердзіць праграму сацыяльна-эканамічнага развіцця краіны на 2026-2030 гады, якая вызначыць стратэгічныя арыенціры і вектар развіцця Беларусі на новую пяцігодку.