Сустрэча праходзіла ў рамках адкрытага дыялогу, дзе кожны мог выказаць сваё меркаванне і задаць пытанні, якія яго цікавяць.

У ходзе гутаркі былі закрануты тэмы, якія тычацца эканамічнага і сацыяльнага развіцця краіны і грамадзянскай пазіцыі сучаснай моладзі ў дачыненні да маючых адбыцца выбараў.

Старшыня аблвыканкама адзначыў, што сярод персаналу Беларускай АЭС шмат маладых людзей. Моладзь, часцяком, ацэньвае эканамічную і палітычную сітуацыю ў краіне толькі з пазіцыі свайго ўзросту. А тыя, хто перажыў 80-я і 90-я памятаюць пустыя паліцы ў крамах, нізкае матэрыяльна-тэхнічнае забеспячэнне дзяржустаноў і заработныя платы, якія выдаюцца гатовай прадукцыяй.

Толькі кансалідацыя грамадства і моцная прэзідэнцкая ўлада выратавалі тады краіну ад крызісу і дазволілі трансфармаваць яе ў моцную і незалежную дзяржаву без крыві і страт.

Уладзімір Каранік акцэнтаваў увагу на тым, што старэйшае пакаленне павінна падтрымліваць цікавасць моладзі і перадаваць электаральныя паводзіны будучаму пакаленню.

"Шлях Беларусі ў падтрыманні высокай грамадзянскай адказнасці - не прымушаць, а тлумачыць і распавядаць навошта гэта трэба шляхам канструктыўнага дыялогу. Уінстан Чэрчыль казаў, што дрэнную ўладу выбіраюць добрыя людзі, якія не ходзяць на выбары!"- сказаў старшыня Гродзенскага абласнога выканаўчага камітэта.