Знаёмства са станцыяй пачалося ў дэманстрацыйным корпусе. Маладыя людзі атрымалі вычарпальную інфармацыю аб рабоце станцыі, асаблівасцях праекта "АЭС 2006 года 3+", сістэмах бяспекі і энергаэфектыўнасці станцыі.

У вучэбна-трэніровачным цэнтры гамяльчане пабывалі ў класах з лакальнымі трэнажорамі, наведалі лабараторыю псіхафізілагічнага забеспячэння і поўнамаштабны трэнажор блокавага пульта кіравання.

Падарункам для маладых людзей стала сустрэча з генеральным дырэктарам Беларускай АЭС Сяргеем Алегавічам Бабовічам.

На сустрэчы абмеркавалі асноўныя тэндэнцыі ў развіцці энергасістэмы Беларусі, фарміраванне і развіццё кадравага рэзерву для АЭС. Сяргей Бабовіч адказаў на ўсе пытанні маладых спецыялістаў і студэнтаў энергетыкаў.