Работнікі прадпрыемства распавялі навучэнцам аб выключнай ролі ў рэалізацыі праекта Беларускай АЭС Прэзідэнта Рэспублікі Беларусь Аляксандра Рыгоравіча Лукашэнкі.

Навучэнцы даведаліся шмат новага аб энергасістэме Рэспублікі Беларусь і яе ролі ў эканоміцы краіны, аб выбары прафесіі, аб працаўладкаванні і рабоце на Беларускай АЭС і ў энергасістэме ў цэлым.

Работнікі атамнай электрастанцыі адказалі на ўсе пытанні навучэнцаў і выкладчыкаў школы і перадалі навучэнцам інфармацыйныя лісты пад загалоўкам: "Хочаш працаваць на Беларускай АЭС – паступай правільна", у якой прыведзена ўся неабходная інфармацыя аб навучальных установах, дзе можна атрымаць спецыяльнасць, запатрабаваную ў атамнай энергетыцы.

Кіраўнікамі Беларускай АЭС і СШ №3 адзначана, што такія сустрэчы вельмі важныя для падрастаючага пакалення.  Дасягнута дамоўленасць, што падобныя мерапрыемствы будуць праводзіцца на пастаяннай аснове. Па заканчэнні сустрэчы навучэнцы і выкладчыкі СШ № 3 падзякавалі прадстаўнікам Беларускай АЭС за грунтоўную гутарку і праводзілі гасцей "бурнымі" апладысментамі.