Пасля катастрофы на АЭС «Фукусіма» ў 2011 годзе Германія прыняла рашэнне адмовіцца ад атамнай энергетыкі. Тэрмін рэалізацыі гэтага плана мінае менш чым праз тры гады.
Германія закрывае электрастанцыі. Грамадства задаецца пытаннем - дзе знайсці працу
Адна з АЭС - электрастанцыя ў Бракдорфе, вёсцы, размешчанай прыкладна ў 70 кіламетрах на паўночны захад ад Гамбурга. Тут пражывае каля 1 000 чалавек, і электрастанцыя, якую плануецца спыніць да канца наступнага года, - гэта асноўная крыніца працоўных месцаў.
«Дзе нашы дзеці знойдуць працу? Гэта для нас праблема», - кажа мэр Эльке Гёттшэ (Elke Göttsche) у інтэрв'ю Euronews. Мэр незадаволеная тым, што берлінскія ўлады плануюць накіраваць у рэгіёны 40 млрд еўра для кампенсацыі закрыцця шахт і вугальных электрастанцый. «Яны інвеставалі некалькі мільярдаў у знішчэнне вугальнай энергетыкі. Урад павіннен падумаць і аб падтрымцы, звязанай з закрыццем атамных электрастанцый», – лічыць яна.
Вугаль і атам сталі прадметам ўсеагульнай увагі. Хопіць нам аднаўляльных крыніц?
У пачатку гэтага года з'явіліся ацэнкі выдаткаў на адмову Германіі ад атамнай энергетыкі. Па дадзеных амерыканскай арганізацыі (прыватнай, некамерцыйнай) NBER (Нацыянальнае бюро эканамічных даследаванняў), выдаткі ацэньваюцца ў 12 млрд еўра ў год. Пры гэтым большую частку гэтай сумы - да 70% - складуць сацыяльныя выдаткі ў сувязі з падвышанай смяротнасцю і больш моцным забруджваннем паветра. Па дадзеных даследаванняў, атамная энергетыка была ў значнай ступені заменена вугальнай.