Асаблівая ўвага ў нумары нададзена пытанням развіцця міжнароднага супрацоўніцтва ў атамнай сферы ("Навіны"), выключэнню аварыйных радыёактыўных выкідаў на БелАЭС, выбару пляцоўкі для размяшчэння пункта пахавання РАП ("Ядзерная энергетыка").

Артыкулы рубрык "Электраэнергетыка" і "Навука – энергетыцы" прысвечаны ацэнцы электрамагнітнай абстаноўкі на энергааб'ектах, укараненню дыстанцыйнага ўліку спажывання газу ў жылым фондзе, новаму спосабу вызначэння месцаў абрыву фазы 10 кВ у размеркавальных сетках, а таксама прымяненню сістэмы збору нізканапорнага газу на аб'ектах магістральных газаправодаў.

Шырокаму колу чытачоў адрасаваны артыкул аб энергетычнай палітыцы Кітая ("Сусветны вопыт") і нарыс да 80-годдзя Перамогі, прысвечаны энергетыкам – удзельнікам Вялікай Айчыннай вайны, якія працавалі ў Магілёўскай вобласці ("Беларусь памятае").

У рубрыцы "Стандартызацыя і права" нагадваем пра адказнасць за нядопуск прадстаўнікоў энергазабяспечваючай арганізацыі да электрычных сетак, установак і сродкаў уліку спажыўцоў, а таксама пра патрабаванні да арганізацыі пажарных праездаў. Завяршаецца нумар традыцыйным аглядам навін заканадаўства і пералікам артыкулаў, апублікаваных у адыходзячым годзе. 

Больш падрабязна са зместам нумара можна азнаёміцца тут