Цяжкавагавік маркі "БЕЛАЗ 79212", грузападымальнасцю 150 тон, будзе выкарыстоўвацца для транспарціроўкі па тэрыторыі атамнай станцыі ядзернага паліва ў транспартным упаковачным кантэйнеры.

Машына абсталявана новым рухавіком расійскай вытворчасці магутнасцю 312 кВт з электронным блокам кіравання. Максімальная хуткасць цяжкавоза з грузам – 8 км/г. Без грузу – 15 км/г. На цяжкавозе ўстаноўлены дзве кабіны з двухпоставым кіраваннем, размешчаныя ў пярэдняй і задняй частках шасі. Гэтая асаблівасць дазваляе машыне перасоўвацца па прынцыпе чоўна. Пры змене кірунку руху аператар проста пераходзіць з адной кабіны ў іншую. Магчымасць развароту ў цяжкавоза, таксама, прадугледжаная. Стойкі пяці з сямі шэрагаў колаў паваротныя, што дазваляе машыне развярнуцца на вельмі абмежаванай тэрыторыі.

Канструкцыя абапіраецца на 14 колавых модуляў з 28-ю суцэльналітымі высокаэластычнымi шынамі, якія маюць павышаны тэрмін эксплуатацыі.

Цяжкавагавік забяспечаны сучаснымі сістэмамі тармажэння, аўтаматычнай змазкі, двухкампанентнага аўтаматычнага пажаратушэння, кругавога відэаагляду з дадатковымі камерамі.