У рамках рэалізацыі мерапрыемстваў рэспубліканскай акцыі «Адзіны дзень бяспекі» 3 і 10 верасня ў дзяржаўным прадпрыемстве «Беларуская АЭС» прайшлі трэніроўкі па эвакуацыі работнікаў з будынкаў вучэбна-трэніровачнага цэнтра і адміністрацыйна-лабараторнага корпуса. Эвакуацыя прайшла з прыцягненнем работнікаў Астравецкага РАНС.
Сігналам для эвакуацыі паслужыла спрацоўка ручнога пажарнага апавяшчальніка сістэмы аўтаматычнай пажарнай сігналізацыі.
У ходзе эвакуацыі была задзейнічана сістэма апавяшчэння і кіравання эвакуацыяй людзей пры пажары.
Усяго з будынка было эвакуявана больш за 500 работнікаў. Эвакуацыя прайшла арганізавана, у рамках адведзенага нарматывам часу.