Ганаровымі дыпломамі ўзнагароджаны інфармацыйна-аналітычнае выданне ДВА «Белэнерга» «Энергетыка Беларусі», часопіс «Qazaq Solar» (Казахстан), штотыднёвік «Эканамічны агляд «Логас-прэс» (Малдова) і інш.
Сёлета мерапрыемства было прымеркавана да 75-годдзя Перамогі ў Вялікай Айчыннай вайне. На конкурс былі прадстаўлены газеты, часопісы, карпаратыўныя СМІ, зарэгістраваныя на тэрыторыі дзяржаў – удзельніц СНД, якія асвятляюць пытанні электраэнергетыкі.
Вынікі конкурсу былі падведзены ў Маскве 7 мая. У галасаванні прынялі ўдзел прадстаўнікі электраэнергетычных арганізацый Беларусі, Казахстана, Кыргызстана, Малдовы, Расійскай Федэрацыі, Узбекістана. Пасяджэнне журы ў сувязі з пандэміяй адбылося ў завочным фармаце.
Конкурс на лепшае друкаванае выданне ў рамках электраэнергетычнага савета СНД упершыню быў праведзены ў 2012 годзе ў ліку мерапрыемстваў, прысвечаных 20-годдзю СНД. Па выніках конкурсу першае месца заняў таксама часопіс «Энергетычная стратэгія». Другі раз выданне было ўдастоена ганаровага звання пераможцы ў 2016-м - у год 25-гадовага юбілею Садружнасці.
Больш падрабязна азнаёміцца з навукова-практычным часопісам Міністэрства энергетыкі «Энергетычная стратэгія» можна тут: www.energystrategy.by.
