3 ліпеня - Дзень Незалежнасці Рэспублікі Беларусь, але для Астраўца гэта яшчэ і Дзень вызвалення горада ад нямецка-фашысцкіх захопнікаў, таму свята ў Астраўцы адзначаецца з вялікім размахам.

Святочныя мерапрыемствы пачаліся раніцай, а скончыліся за поўнач. Не ўбаку апынуліся і работнікі першай у краіне атамнай станцыі. Акрамя традыцыйнага ўдзелу ў тэатралізаваным шэсці, мітынгу і ўскладанні кветак да помніка жыхарам Астравецкага раёна, якія загінулі ў гады Вялікай Айчыннай вайны, прадстаўнікі працоўнага калектыву адзначыліся і ў іншых святочных мерапрыемствах.

У «заплыве на чым патрапіла» экіпаж Беларускай АЭС стаў самым хуткім, а ў спаборніцтвах па пляжным валейболе Максім Ачарэтаў у пары з адным з жыхароў Астраўца (прозвішча, імя пакуль невядомыя) у складзе каманды ад Беларускай АЭС занялі агульнакаманднае трэцяе месца.  А вайскоўцы і тэхніка вайсковых частак, якія стаяць на абароне атамнай станцыі, прынялі ўдзел ва ўрачыстым праходжанні вайсковых падраздзяленняў.