Надрукаваць гэтую старонку
24.04.2019

Моладзь знаёміцца з АЭС

Крыніца: Аддзел інфармацыі і грамадскіх сувязяў

Праца з моладдзю і падрастаючым пакаленнем даўно стала адным з галоўных кірункаў дзейнасці інфармацыйнага цэнта Беларускай атамнай станцыі. Штогод сотні студэнтаў і школьнікаў з розных гарадоў Беларусі знаёмяцца з экспазіцыяй інфармацыйнага цэнтра ў Астраўцы.

Чаму беларуская АЭС будуецца на Астравецкай пляцоўцы? Якія матэрыялы выкарыстоўваюцца пры будаўніцтве? У чым асаблівасць праекта АЭС-2006? Што такое атамная станцыя пакалення «3+»? На гэтыя і многія іншыя пытанні кампетэнтна адказваюць спецыялісты аддзела інфармацыі і грамадскіх сувязяў.

У бяспецы і маштабнасці самага значнага энергетычнага праекта краіны ў красавіку пераканаліся больш за дзвесце студэнтаў і школьнікаў: старшакласнікі Астравецкага, Ашмянскага, Смаргонскага і Іўеўскага раёнаў - удзельнікі прафарыентацыйнай сустрэчы, навучэнцы Нацыянальнага дзіцячага адукацыйна-аздараўленчага цэнтра «Зубраня», студэнты і выкладчыкі Беларускага дзяржаўнага ўніверсітэта інфарматыкі і радыёэлектронікі.

Хлопцы старэй мелі магчымасць даведацца, як рыхтуецца персанал атамнай станцыі ў вучэбна-трэніровачным цэнтры АЭС, а так жа ацаніць размах будоўлі з агляднай пляцоўкі.

 

Апошняя змена 24.04.2019

Галерэя малюнкаў