У госці да выхаванцаў цэнтра прыйшлі намеснік генеральнага дырэктара па ідэалагічнай працы - начальнік аддзела кадраў Марына Пылінская, сакратар першаснай арганізацыі БРСМ Святлана Шчэпта і актывіст моладзежнага руху Беларускай АЭС Кацярына Пылінская.

Варта адзначыць, што гэта не першы візіт супрацоўнікаў Беларускай АЭС у дзіцячыя ўстановы, якія адбываюцца рэгулярна і не толькі ў рамках афіцыйных мерапрыемстваў. Да прыкладу, супрацоўнікі прадпрыемства не аднойчы наведвалі Варнянскі сацыяльны прытулак, які знаходзіцца за дзясятак кіламетраў ад атамнай станцыі, якая будуецца. Кожны раз падобныя візіты суправаджаюцца жывымi зносінамі з хлопцамі, правядзеннем разнастайных мерапрыемстваў, якія арганізоўваюць для дзяцей моладзежныя актывісты прадпрыемства. Зразумела, у гэтыя дні не абыходзіцца і без падарункаў.

Такім жа насычаным і стаў чарговы візіт у цэнтр карэкцыйна-развіваючага навучання і рэабілітацыі. Супрацоўнікі беларускай АЭС прывезлі з сабой і перадалі дзецям цацкі і развіваючыя гульні. А таксама: печыва, цукеркі і іншыя прысмакі - самы жаданы падарунак для любога дзіцяці ў навагоднiя святы!