На выставе экспанаваліся архіўныя нумары галіновага выдання, праспекты, кнігі, нарматыўная літаратура, паўнатэкставая электронная інфармацыйная сістэма «Энергадакумент», відэафільмы, прэзентацыя аб дзейнасці Цэнтра. Спецыялісты інфармавалі наведвальнікаў аб новых тэхнічных нарматыўных актах, дэманстравалі магчымасці працы з ТНПА ў рамках абноўленага сайта ЭIС «Энергадакумент», прэзентавалі свежыя нумары часопіса, рэкламныя і інфармацыйныя улёткі, календары, нататнікі і іншую выдавецкую прадукцыю.
У рамках экспазіцыі адбылася прэзентацыя альбома «Энергетычная стратэгія. Дзесяць гадоў з энергасістэмай Беларускай», прысвечанага юбілею часопіса. У выданні ў фотаздымках, лічбах і фактах прадстаўлены найбольш значныя падзеі ў энергетыцы Беларусі, а таксама людзі, якія стаялі ля вытокаў маштабнай мадэрнізацыі Беларускай энергасістэмы, ажыццяўлялі яе тэхнічнае перааснашчэнне і спрыялі павышэнню эфектыўнасці працы галіны (з альбомам можна азнаёміцца на сайце energystrategy.by).
У сувязі са знамянальнай датай галоўны рэдактар часопіса Н.У. Федасеенка была адзначана Ганаровай граматай Міністэрства энергетыкі Рэспублікі Беларусь, начальнік рэдакцыйна-выдавецкага аддзела А. В. Ганчар – Падзякай Міністра. Ўзнагароды ў ходзе калегіі ўручыў Міністр энергетыкі У.М. Патупчык.
