Рашэнне аб правядзенні місіі SEED было прынята беларускім бокам у адпаведнасці з рэкамендацыямі, выкладзенымі ў рашэнни 6-й Нарады бакоў Канвенцыі Эспо ў якасці дадатковай меры па ўмацаванні даверу паміж краінамі. Згодна з пунктам 64 названага рашэння «Нарада Бакоў Канвенцыі Эспо заклікае Беларусь далей распрацоўваць меры па ўмацаванні даверу, у тым ліку шляхам накіравання ў МАГАТЭ прапановы арганізаваць місію SEED з мэтай правядзення ацэнкі крытэрыяў і вынікаў даследаванняў для выбару пляцоўкі пад атамную электрастанцыю, а таксама яе будаўніцтва і эксплуатацыі, у мэтах забеспячэння яе поўнай бяспекі».
У ліпені 2016 г. у ходзе папярэдняй місіі SEED беларускім бокам сумесна з экспертамі МАГАТЭ было распрацавана тэхнічнае заданне, у якім вызначаны модулі дадзенай місіі ў поўнай адпаведнасці з названай рэкамендацыяй Нарады бакоў Канвенцыі Эспо.
У ходзе місіі SEED, якая адбылася ў перыяд з 16 па 20 студзеня 2017 года, ажыццёўлены аналіз знешніх уздзеянняў, характарыстыка знешніх уздзеянняў як прыроднага, так і тэхнагеннага характару, вывучэнне праектных параметраў пляцоўкі будаўніцтва, забеспячэнне маніторынгу пляцоўкі і навакольнага асяроддзя і ўлік урокаў аварыі на Фукусимской АЭС.
Па выніках місіі эксперты МАГАТЭ адзначылі, што параметры праекта станцыі ўлічваюць характэрныя для пляцоўкі знешнія пагрозы, такія як землятрусы, паводкі і экстрэмальныя пагодныя ўмовы, а таксама падзеі, выкліканыя чалавечым фактарам. Міжнародныя эксперты таксама адзначылі, што праграмы маніторынгу пагроз, якія будуць ажыццяўляцца на працягу ўсяго жыццёвага цыклу Беларускай АЭС, дастатковыя і належным чынам прадугледжаны ў праекце АЭС. Таксама было адзначана, што беларускім бокам прыняты дадатковыя меры, звязаныя з вонкавымі падзеямі ў святле урокаў аварыі на Фукусіме.
Па выніках місіі SEED Рэспубліцы Беларусь было прапанавана далей удасканальваць ліцэнзійную дакументацыю, якая адносіцца да інфармацыі аб электрамагнітных уздзеяннях і маланках, аб параметрах сейсмічнага руху грунтоў на пляцоўцы, а таксама надаваць увагу далейшаму ўдасканаленні мер бяспекі, выкладзеных у дакладзе МАГАТЭ па аварыі на Фукусіме.
